महालक्ष्मी मंदिर,  डहाणू :

डहाणूत दोन महालक्ष्मी मंदिरे आहेत. एक राष्ट्रीय महामार्ग क्रमांक ८ जवळ चारोटी नाका येथे आहे आणि दुसरे महालक्ष्मी टेकडी नावाच्या् डोंगरावर वसलेले आहे. महालक्ष्मी ही आदिवासींची कुलदेवता आहे. त्यामुळे सणांच्या काळात आदिवासी बांधव येथे तारफा नृत्य करतात. दरवर्षी हनुमान जयंतीपासून पुढे १५ दिवस येथे जत्रा असते, त्याला महालक्ष्मी यात्रा असे म्हेणतात.

शितलादेवी मंदिर :

शितळा देवीचे मंदिर पालघरमध्ये केळवा समुद्र किनारी आहे. हे मंदिर तेथील देवीच्या अप्रतिम मूर्तीसाठी प्रसिद्ध आहे. धार्मिक यात्रांच्या काळात येथे हजारो भाविक गर्दी करतात.

राम मंदिर :

प्राचीन राम मंदिर पालघर जिल्ह्यातील कापड बाजार येथे आणि शितला देवी मंदिरापासून जवळच आहे. एका आख्यायिकेनुसार येथे राम आणि लक्ष्मण यांना अहिरावण आणि महिरावणाने कैद करून ठेवले होते. हनुमंताने नंतर येऊन त्यांची सुटका केली. १९९४ मध्ये् मंदिराचा जीर्णोद्धार करण्यात आला. रामनवमीचा येथे मोठा उत्सव असतो. गुरुवारी आणि शनिवारी येथे विशेष आरती आणि पूजा केली जाते.

जीवदानीमाता मंदिर :

जीवदानी मातेचे मंदिर देशभरात प्रसिद्ध असून तेथे जाण्यायसाठी १३७५ पायऱ्या चढून जावे लागते. हे मंदिर शहराच्या पूर्व भागात आणि डोंगरमाथ्यावर आहे. नवरात्रौत्सवात येथे फार गर्दी असते. या भागातील बरेच लोक विशेषत: आगरी, मांगेला, कोळी आणि भंडारी लोक देवीला कुलदैवत म्हणून पूजतात. पायथ्याशी असलेले पापडचखंडी धरण येथील शुद्ध पाण्याचा स्रोत आहे.

सेंट पीटर्स चर्च :

हे चर्च २० व्या. शतकाच्या सुरुवातीला बांधण्यात आले आहे. १९१९ मध्ये फादर इस्माइल दा कोस्टां यांनी अर्नाळा किनाऱ्याजवळ एक लहानसे प्रार्थनास्थळ उभारले. नंतर स्थाानिकांच्या् साहाय्याने त्यांनी सेंट पिटर्स चर्च बांधले. आर्चबिशप जोक्युडम लिमा (बॉम्बेचे आर्चबिशप) यांनी २७ डिसेंबर १९३१ रोजी चर्चला भेट दिली होती. त्याबरोबरच सेंट जेम्से चर्च(आगाशी) आणि होली ‍स्प्रिट चर्च (नंदाखाल) ही आणखी काही ऐतिहासिक चर्च येथून जवळच आहेत.

सेंट जेम्स चर्च :

सेंट जेम्स् चर्च आगाशी येथे विरार आणि अर्नाळ्याला जोडणाऱ्या मार्गावर असून ते १५५८ मध्ये बांधण्यात आले. सर्व युरोपीयन समुदायांमध्ये् पोर्तुगीज हे सर्वोत्तम दर्यावर्दी मानले जातात, ते जिथेजिथे गेले तेथे त्यांनी समुद्राजवळ घरे बांधली. आगाशी हे त्याकाळचे लहानसे बंदराचे गाव होते. ते समुद्राच्या् जवळही होते आणि येथील जंगलांमध्ये पोर्तुगीजांना जहाज बांधणी आणि अन्य बांधकामांसाठी आवश्यक असणारे लाकूडही मोठ्याप्रमाणात उपलब्ध होते. त्याामुळे आगाशी हे लवकरच पोर्तुगीजांचे कायम वास्तव्यााचे ठिकाण बनले. सेंट जेम्स चर्च सुरुवातीला दगड आणि विटांनी बांधण्यात आले होते. १७३९ साली मराठ्यांच्या स्वारीच्या वेळी ते बहुतांश उद्ध्वस्त झाले. परंतु मराठ्यांनी येथील पाद्रींना या भागात धार्मिक उत्संव करण्यास परवानगी दिली होती. १७६० मध्ये चर्च पुन्हा बांधण्यात आले आणि सन १९०० मध्ये त्याचा जीर्णोद्धार करण्यात आला.